Eskualdean sekulako babesa eta elkartasuna jaso dutela behin eta berriro nabarmendu dute TS Fundicioneseko langileek, euren borrokak ezingo zuela iraun elkartasun hori gabe. Eskualdeko udalen aldetik jaso dute babesa, baita Gipuzkoako Foru Aldunditik ere, baina, batez ere, herritarrengandik.

Hala, bihar, jasotako berotasun hori guztia eskertzeko, herritarrekin batera ospatu nahi dute enpresa berriro irekiko dela. Borrokatzea merezi du lelopean, manifestazioa egingo dute, 12:00etan, Zestoako herriko plazatik abiatuta, eta gero bertsolari, trikitilari eta pintxo artean egingo dute festa.