Aitor Bereziartua: “Sokamutur irteerak urteko momenturik onenak izaten dira” »

Gutxienez bost mende igaro dira Azpeitian lehenengoz kaleko zezena atera zutenetik; hortaz, ospakizun urtea dute sokamuturzaleek. Datorren astelehenean aurkeztuko dute prestatu duten egitaraua. - Irakurri gehiago...

Jauregia, boterearen erakusgarri »

XVII. mende hasieran Cristobal Ipeñarrieta urretxuarrak jauregi erraldoi bat eraiki zuen Irimo mendiaren magalean. Eraikinari eta familiari buruzko liburua kaleratu berri dute. - Irakurri gehiago...

Ignaziotar lurretan barrena »

Urola Erdia, Urola Garaia eta Debagoiena batzen duen Ignaziotar Lurraldea egitasmoak Eden saria jaso du. Ondare multzo anitza biltzen du proiektuak. - Irakurri gehiago...

Izena jarri gabe, izana aitortu »

Eider Goenaga Lizaso

Memoria historikoaren ikuspegitik eta hainbatetan aldarrikatutako justiziaren ikuspegitik, albiste on batekin hasi zen astea. Bergarako Auzitegiak frankistek Elgetan egindako krimenak ikertuko dituela jakin zen astelehenean. Genozidio delitua aintzat hartu, eta, Elgetako Udalak eta Intxorta 1937 taldeak aurkeztutako salaketari esker, gerran eta gerraostean gertatutako hamalau krimen ikertzeko diligentziak abiatu ditu epaile batek. Euskal Herriko hainbat erakunde —batik bat, udalak— saiatu dira epaitegietako bidea urratzen eta dozenaka salaketa aurkeztu izan dira epaitegietan; baina Bergarakoa da gizateriaren kontrako krimen eta genozidio zantzuengatik ikerketa abiatu duen lehena —eta oraingoz, bakarra—.

Denak Olentzeroren zain »

Aitziber Arzallus

Buzoian jostailu dendako lehen katalogoa jasotzearekin batera hasten da Gabonetarako atzerako kontua. Dagoeneko badira bizpahiru aste aurtengoa hasi zela. Eta beste horrenbeste falta da Olentzero eta Mari Domingi bisitan etortzeko ere. Baina ari ote dira zakua opariz betetzen?

Hiri bat, bi ikuspegi »

Eider Goenaga Lizaso

Donostia. Gipuzkoako hiriburua. 186.000 biztanle. Herri handi bat, edo hiri txiki bat… nondik begiratzen zaion. Etxebizitzaren prezioa, metro koadroko, Euskal Herriko garestiena den tokia. Udala osatzen duten alderdientzat hori da hiriak duen arazorik larrienetako bat, eta baita talde guztiek bat datozen iritzi bakarrenetakoa ere. Gipuzkoako Hitza-k hainbat gai jarri dizkie mahai gainean Donostiako Udalean ordezkaritza duten alderdietako bozeramaileei, eta hiriaren behar, arazo, gabezia eta indarguneei buruz iritzia eman dute Miren Azkaratek (EAJ), Amaia Almirallek (EH Bildu), Miren Albisturrek (PP) eta Amaia Martinek (Irabazi). PSE-EEko eledunari ere eskatu zaio iritzia, baina alderdiko inork ez die erantzun nahi izan Hitza-ren galderei.

“Ahizpak ez zuen bizi nahi” »

Eider Goenaga Lizaso

Nire ahizpak ez zuen bizi nahi, eta askotan esaten zigun hori. Nire ustez, ahizpak ez zelako ausartu ez zuen bere buruaz beste egin, beldurragatik, eta agian guregatik ere bai. Baina horren beldur bizi ginen familia osoa”. Maddi Imazen ahizpak 26 urte ditu orain; 14-15 urte bete arte mutil gorputzean harrapatutako neska bat zen, eta adin horretan hasi zuen aldaketa prozesua. “Hori berez bada motxila bat, karga bat, baina nik oso argi daukat nire ahizpari min gehien egin ziona eta gaur dituen ondorioak utzi zizkiona gizartea izan zela, jazarpena, kalean sufritutako jipoiak, irainak, begiratu txarrak, komentarioak… Berak uste zuen prozesua amaitzean dena gaindituko zuela, baina ez dut uste inoiz gaindituko duenik. Pilulak hartzen ditu antsietatearentzat, lo egiteko… amesgaizto izugarriekin esnatzen da oraindik”.

Etorkizunerako hazia ereiten »

Eider Goenaga Lizaso

Goizeko 09:45 dira kazetariak Axular lizeoko LH6ko gelara sartu direnean. Miren Elgarresta Foru Aldundiko Berdintasun zuzendaria eta Idoia Luzuriaga aldundiko teknikaria ari dira 11 urteko umeei azalpenak ematen. Indarkeria matxista da gaia, eta DenokZu sentsibilizazio kanpainaren parte da LH3tik LH6ra arteko umeekin egiten ari diren lanketa. Axular lizeoan asteartean egin zuten saioa, eta irailaz geroztik bisitatu duten 40. ikastetxea da.

Gidariak, protestara »

Aitziber Arzallus

Hautsak harrotzen jarraitzen du Gipuzkoako Foru Aldundiak Lurraldebusen Buruntzaldeko zerbitzua aldatzeko egin duen aurreproiektuak —Tolosari ere eragingo dio aldaketa horrek—; nola harrotzen, gainera. Oposizioko alderdiak —EH Bildu eta Ahal Dugu—, eragiten dien herrietako udalak, ehunka erabiltzaile, zerbitzu hori ematen duten garraio enpresetako langileak eta sindikatuak… Guztiak aurrez aurre ditu foru gobernuak, baina zerbitzua “berrantolatzeko” garaia badela eta horixe egingo dutela berretsi du Marisol Garmendia Gipuzkoako Lurralde eta Mugikortasun diputatuak aste honetan bertan.

Eskutik, gero askatzeko xedez »

Eider Goenaga Lizaso

Orain 25 urte Donostian lehen mintzapraktika bikote eta taldeak osatu zituztenetik, bide luzea egin du Mintzalagun egitasmoak. Iaz, Euskal Herrian, 6.000 bidelagun eta bidelari inguru izan ziren, astero-astero, gutxienez ordubetez, euskaraz. Gipuzkoan, iaz, 26 herritan, behintzat, bazegoen martxan Mintzalagun proiektua, eta 2017-2018ko ikasturterako beste bi herritan hasi dira: Zestoan eta Anoetan. Datorren astean, azaroaren 10ean egingo dute egitasmoa aurkezteko ekitaldia, Zestoako plazan. Anoetan, herri txikia izan arren, jada hamalau lagunek eman dute izena, eta hasiak dira lehen pausoak ematen.