Crucificados por el antisistema diskoa aurkezteko bira egiten dabil Lendakaris Muertos, eta Donostian joko du bihar, Doka kafe antzokian, 21:00etan. Betiko estiloarekin jarraitu dute azken diskoan ere; ironia eta kritika sozial eta politikoz betetako hamazazpi abesti prestatu dituzte. Maldito Recordsekin kaleratu du Iruñeko punk taldeak seigarren diskoa. Euskal Herrian eta Espainian joko dute hurrengo asteetan.