Hainbat aukera daude erakusketa ikusteko, baina ezinbestekoa da aurrez izena ematea, komunikazioa@itsasmuseoa.eus helbidera idatzita edo 943 43 00 51 telefono zenbakira deituta.

Mikel Alberdi komisarioarekin topaketak. Ekainaren 9an, 19:00etan —herenegun egin zuten lehenengoa—. Elebiduna izango da saioa; 3 euro balio du.

‘Alberditarrekin saltsan!’. Martxoaren 10ean, apirilaren 7an eta maiatzaren 12an. Mikel Alberdi erakusketaren komisarioaren eta Xabier Alberdi Euskal Itsas Museoko zuzendariaren arteko topaketa dinamikoa. Elebiduna izango da saioa; 3 euro balio du.

Erakusketara bisita. Larunbatero, 12:30ean. Bitartekaritza taldearekin, bisita. Elebiduna izango da saioa; 2 euro balio du.

Leo eta Dinarekin, Odisea. Bisita dinamizatuak bitartekaritza taldearekin. Bihar hasita, bi larunbatetik behin, 17:00etan. Elebiduna izango da saioa; 3 euro balio du.