Gipuzkoako sei lekutan daude orientazio ibilbide iraunkorrak, eta horietako bakoitzean zailtasun maila desberdineko ibilbideak daude: horiak errazenak dira; laranjak, tartekoak, eta gorriak, zailenak. GOTen webgunean daude eskuragai ibilbide guztien mapak.

Segura. Asteartean aurkeztu zituzten, eta igandean estreinatuko dituzte, proba batekin. Hiru ibilbide prestatu dituzte.

Zarautz. Hiru ibilbide daude herriko eraztun berde-urdinean. Joan den astean aurkeztu zituzten.

Donostia. Ulia mendian hiru ibilbide daude, 2019ko uztailetik.

Errenteria. Listorretako parkearen bueltan lau ibilbide daude, 2018ko azarotik.

Zegama. Hiru ibilbide daude, 2018ko urritik.

Aia. Iturrarango lorategi botanikoaren bueltan hiru ibilbide daude, 2017ko apiriletik.