Ikus-entzuleak eta hedabideak hip-hop, rap eta punkaren arteko nahasketara eta hitz polemikoetara ohitzea kostatu bazitzaien ere, dagoeneko hogei urtetik gora bete ditu Def Con Dos taldeak. 1990. urtean sortu zen, Vigo (Galizia) eta Madril artean, eta Alex de la Iglesiaren filmetako musikak eman zion fama. 20. urteurrena ospatzeko, disko berezia atera dute: La culpa de todo la tiene Def Con Dos. Bihar Oñatiko Gaztelekuan joko dute, 22:30ean.