Albisteak

Eta Oñati bada Eldorado?
2018-10-262018-10-25Albisteak, gipuzkoa, Gizartea, Kultura

Eta Oñati bada Eldorado?

Beñat Alberdi

Hainbat bertsio ditu Lope Agirre pertsonaia historikoak. Besteak beste, eztabaidagai dago haren jaioterria zein den: Oñati edo Aramaio. Askatzailea edo genozida izan zen ere ez dago argi. Alde horretatik, beste bertsio bat emango du bihar Oñatiko LPM taldeak. Konkistatzailearen gertaera historikoak oinarri hartuta, aldatu egingo diote testuingurua, eta Perutik herriko hauteskundeetara pasatuko da. Xehetasun horretatik harago, ordea, errealitateak badauka beste istorio bat atzean: film laburrak prestatzetik film luzeak egitera igaro den lagun talde batena, filma grabatzeko herritarrak mobilizatu dituen ekoizlearena.

Elkarlana indartzeko olatua
2018-10-262018-10-25Albisteak, gipuzkoa, Kirola

Elkarlana indartzeko olatua

Unai Zubeldia

Zubiak eraikitzen ari dira olatu artean. Taulari helduta joaten dira merkatura, itsasoari begira antolatzen dituzte kontzertuak, itsasoko urak zipriztindutako proiekzioak eskaintzen dituzte lehorrean... "Kulturak eta kirolak bat egiten dute Federarte Euskal Surf Kultura zirkuituan", zehaztu du Maialen Saez Gipuzkoako Surf Federazioko presidente eta Euskal Herriko Surf Federazioko presidenteordeak. "Duela bi urte krisi sakona izan zuen federazioak, eta surflarien arteko harremanak lantzen ari gara orain. Krisiek, beren txarrean, aldaketarako aukera eskaintzen dutela esaten dute beti, eta hala gertatzen ari zaigu guri ere".

Euskalgintza, esportaziorako
2018-10-262018-10-25Albisteak, gipuzkoa, Gizartea, Kultura

Euskalgintza, esportaziorako

Erik Gartzia Egaña

Euskaldunak, hizkuntza gutxitu baten komunitateko kide moduan, parekideekiko sinpatia gisako bat senti dezake askotan. Hitzak erabat ezberdinak izan arren, sentsazio bera eduki dezake hizkuntza galtzeko arriskuaren aurrean, diglosia kasuetan edo beste hainbat errealitatetan.

Distantziak areagotutako mina
2018-10-192018-10-18Albisteak, gipuzkoa, Gizartea, Politika

Distantziak areagotutako mina

Aitziber Arzallus

Bukatu zen ETA, eta garai berri batean dago euskal gizartea, baina bada aurrerapausoak ematea galarazten duen zerbait: indarrean den espetxe politika. Hala uste dute presoek eta haien senideek. "ETAren bukaerarekin egoera ez da aldatu, okerrera egiteko ez bada", dio Olatz San Josek (Donostia, 1979). Haren bikotekideak, Jon Troitiñok, hamahiru urte daramatza preso, azken zortziak Murtzian (Espainia), etxetik 850 kilometrora, eta Frantziako pare bat espetxetan ere egona da.

Mundu ikuskera zorrozten
2018-10-192018-10-18Albisteak, gipuzkoa, Gizartea

Mundu ikuskera zorrozten

Itzea Urkizu Arsuaga

Tolosako sei emakume gaztek ohi baino berritasun gehiagorekin ekin diote ikasturteari, eta ustekabeko bidaia batekin uztartu behar izan dituzte lehen klase egunak. Erasmus + programak topaketa bat antolatu zuen Emakume Gazteen Eskubideen Nazioarteko Egunaren harira, eta, horrela, urriaren 6tik 14ra bitarte, munduko bost herrialdetako berrogei emakume gaztek bat egin zuten Wiesbaden hirian, Alemanian. Malentxo Zeberio (2001), Ane Antxustegietxarte (2001) eta Garazi Oiartzabal (2002) dira bertan izan diren sei tolosarretatik hiru; Jerusalem (Palestina), Wroclaw (Polonia), Niñufer (Turkia) eta Wiesbadengo emakumeekin batera aritu dira elkarlanean.

“Laguntza inoiz ez da nahikoa”
2018-10-192018-10-18Albisteak, gipuzkoa, Gizartea

“Laguntza inoiz ez da nahikoa”

Unai Zubeldia
Minbiziak ez dauka ez adinik, ez sexurik, eta ezta gizarte mailarik ere. Inor ez dago salbu". Eta horregatik murgildu da Asgicer, Gipuzkoa Minbiziaren Aurka elkartea, minbiziaren aurkako borroka etengabean. Fernando Pesquera (Donostia, 1948) da elkarte sortu berriaren presidentea.

Ramon Lopez de Mantaras: “Giza adimena duten makinak lortzetik oso-oso urrun gaude”
2018-10-192018-10-18Albisteak, gipuzkoa, Gizartea

Ramon Lopez de Mantaras: “Giza adimena duten makinak lortzetik oso-oso urrun gaude”

Eider Goenaga Lizaso

Ramon Lopez de Mardarasek (Sans Vicenç de Castellet, Herrialde Katalanak, 1952) Arrasateko Goi Eskola Politeknikoan ikasi zuen ingeniaritza elektronikoa, 1970eko hamarkadan, eta aste honetan itzuli da, hitzaldi bat ematera. Espainiako Adimen Artifizialeko Ikerketa Institutuko zuzendaria da, eta gaiari buruz hitz egitera gonbidatu zuen herenegun Mondragon Unibertsitateak.

Gizarteratzeko ahalduntzen
2018-10-192018-10-18Albisteak, gipuzkoa, Gizartea

Gizarteratzeko ahalduntzen

Ikerne Zarate

Gaixo edo egoera kalteberaren batean dauden pertsonak biltzen dituzten elkarteen errealitatea gizarteratzea du helburu Bideak Zabalduz proiektuak. Errealitatea gizarteratzea, pertsona horiek ahalduntzea eta guztiak komunitatearen parte sentiaraztea. Agisas Gipuzkoako Gizarte Integratzaile eta Animatzaile Soziokulturalen Elkarteak jarri zuen martxan proiektua, 2016an.

Aire berriak dantza soltean
2018-10-192018-10-18Albisteak, gipuzkoa, Kultura

Aire berriak dantza soltean

Loinaz Agirre
Iritsi da dantza solteko txapelketarik garrantzitsu eta ospetsuenaren ordua: Euskal Herriko 42. Dantza Txapelketa jokatuko da bihar, 18:00etan, Segurako Baratze pilotalekuan. Hamalau bikotek hartuko dute parte.

Txotxongiloz inguratuta
2018-10-192018-10-18Albisteak, gipuzkoa, Kultura

Txotxongiloz inguratuta

Beñat Alberdi

Umetan ohikoa izaten da objektu animatu gabeekin jolastea, izan panpina, izan baloia. Gaztaroarekin ere lotzen dira txotxongiloak, animatzen dituena heldua izan arren. Bergaran, ordea, hamalaugarren aldiz, hautsi egin nahi dute muga hori. Helduentzako erakustaldi bat antolatu du Taun Taun Teatroa elkarteak. Urriaren 25, 26, 27 eta 28an, txotxongiloek hartuko dute Bergara.