Gipuzkoako Foru Aldundia aztertzen hasi da ea Beizama horni daitekeen bere inguruan sortutako energia berriztagarriz soilik. Aurretik ere bazegoen biomasa azpiegitura bat; horrekin, udaletxea, Natur Eskola, aterpetxea eta hamar etxebizitza hornitzen zituzten. Aldundiaren kalkuluen arabera, Beizamak baditu nahikoa baliabide inguruan, bestelako iturrietatik ere energia lortzeko; besteak beste, eguzkitik, biogasetik eta haizetik. Herriak behar duen energia guztia halako bideetatik lortzea da asmoa. Ataunen ere duela hilabete batzuetatik ari dira soil-soilik energia garbiak erabiltzeko urratsak egiten, baita garraioari dagokionez ere: Sarecar auto elektrikoa alokatu daiteke herri horretan.