Hirugarrenez, haurrentzako artzain tailerra antolatu du Debegesa Debabarreneko Garapen Ekonomikorako Elkarteak. Lasturko plazan (Deba) egingo dute, apirilaren 15ean, 10:30ean hasita. Parte hartzaileei artalde bat erakutsiko diete, eta Idiazabalgo gazta nola egiten den ere ikasiko dute. Artilearekin tapiz bat nola egin ere erakutsiko diete, eta zati bat etxera eraman ahal izango dute. Gainera, Lasturko errotan talo tailerra egongo da. Helburua “baserriko jarduera tradizionalak gogora ekartzea” da, antolatzaileek adierazi dutenez. Otsailaren amaieran hasi zen egitasmoa, eta, udazkenera arte, batez beste bi astetik behin antolatuko dute. Hiru ordu inguruko bisitak izaten dira.