Lanbidek, Eusko Jaurlaritzaren enplegu zerbitzuak, ezintasunen bat duten pertsonen lanpostuetarako 32,6 milioi euroko diru laguntza ematea onartu du; hala adierazi zuen Idoia Mendiak, Eusko Jaurlaritzako bozeramaileak, asteartean bertan. Hilean, batez beste, 7.500 lanpostu lagunduko ditu. Horien erdiak ezintasun psikikoren bat duten pertsonek egindako lanak izango dira; beste %44, ezintasun fisikoa dutenek egindakoak; eta %6, zentzumenei lotutako ezintasunak dituztenek egindakoak. Arabako, Bizkaiko eta Gipuzkoako 92 lekutan egingo dituzte lan horiek; horietatik 23 Gipuzkoan daude. Iaz, batez beste, 7.413 lanpostu lagundu zituzten hilero.