Guitransek, Gipuzkoako garraiolarien patronalak, txalotu egin du Astigarragako Garraio Zentroa egiteko asmoa. Ekainaren 2an egin zuen elkarteak batzar orokorra, eta bertan izan zen Larraitz Ugarte Bide Azpiegituretako diputatua; proiektua 2015erako amaituta egotea nahi dutela adierazi zuen Ugartek biltzar hartan. Prestakuntza zentroa, supermerkatua, hotela, gasolio hornigunea eta garraiolarientzako bestelako zerbitzuak izango ditu zentro horrek; hasieran 755 aparkaleku ere jarri nahi zituzten, baina egoera ekonomikoa dela medio, 300 izango dira azkenean. Patronalaren ustez, Gipuzkoan ez daude nahikoa azpiegitura bertako errepideetan ibiltzen diren garraiolari guztientzat.