Briganthya Beasainen sortutako taldeak bere seigarren lana aurkezten jarraitzen du, oholtzaz oholtza, 2012an kaleratu zutenez geroztik. Folk musika eta doinu zeltak oinarri hartuta, euskaraz zein gaztelaniaz egindako abestiak bildu dituzte Destino Nuevos Aires diskoan, eta bertan jasotako lanak zein aurreko diskoetakoak taularatuko dituzte, bihar, 22:30ean, Hondarribiako Banako tabernan. Azken diskoak ezberdintasunik ere badu gainerakoekiko, Maialen Errotabehere elkartu baitzaio taldeari, ahotsean.