Musika, bazkaria eta pintxo poteoa; Ordiziaren eta Hernaniren arteko derbia girotzeko Ordiziako Errugbi Elkarteak antolatu dituen jardueretako batzuk dira. Horretarako, fan-zone deituriko gunea atonduko dute Altamira zelaiaren ondoko aparkalekuan. Partida 16:00etan bada ere, 13:00etarako Burrunbazale txaranga giroa alaitzen hasiko da. 14:00etan, bazkaria emango dute: 3 euroren truke, haragi gisatua patatekin eta edaria. Partidaren ondoren ere, 18:00etan, pintxo poteoa egingo dute, eta amaitzeko, 20:00etan, kalejira. Partidako sarrerak hamar euro balio du; Ordiziako bazkideek, berriz, bost euro ordaindu beharko dute, klubaren egun erdia izendatu baitute partida.