Gipuzkoako zaharren egoitzetako langileak bost eguneko grebara deitu dituzte aste honetan ELAk eta LABek, lan hitzarmen duin bat aldarrikatzeko. Hiru mila langile baino gehiago deitu dituzte lanuztera. Lehen greba egunean —irudian—, 800 lagunek egin zuten bat Donostian antolatutako manifestazioarekin, eta, Gipuzkoako hiriburuan ez ezik, hainbat egoitzatan ere egin zituzten protestak. Akordiorik ezean, greba mugagabera deitzeko asmoa du ELAk.