BERRIAk hamargarren urteurreneko ospakizun birarekin jarraituko du asteburuan. Gaur, Anje Duhalde batuko da festara, Tolosako Leidor aretoan eskainiko duen kontzertuarekin (20:30). Sarrerak BERRIAren urteurreneko webgunean eros daitezke, hamar euroan. BERRIAlagunek eta harpidedunek, berriz, salneurri berezia izango dute: bost euro. Duhaldek iaz kaleratu zuen bere azken lana, Ibilean (Elkar). Haren ibilbidean ondutako hainbat kanta biltzen ditu diskoak; tartean, zuzenean inoiz grabatu gabeko abestiak ere badaude. Irudian, Duhaldek maiatzaren 4an Tafallan emandako kontzertua, BERRIAren aldeko ekitaldi batean.