Museoen Nazioarteko Eguna izango da bihar, eta egun berezia izango dute San Telmon ere. Museoko sarrera ez dute kobratuko, eta musika eta dantza programazio bat egongo da; Donostiako Musika eta Dantza Eskolarekin elkarlanean antolatu dute. Arratsaldean museoko hainbat lekutan dantzaldi laburrak egingo dira; eta azkenean, ikuskizun nagusia museoko elizan egingo dute; musika eta dantza emanaldia izango da. Bezperan, giroa berotuz joateko, kaleko musika ekitaldia izango da Zuloaga plazan, museoaren aurrean. Museoak (memoria eta sormena) = gizarte aldaketa da aurtengo Museoen Nazioarteko Egunaren leloa, San Telmoren filosofiarekin bat datorrena.