Herri barruko bidegorrien sareak osatzeko, 250.000 euroko diru laguntza eman die Gipuzkoako Foru Aldundiak zortzi udali: Zizurkil, Zarautz, Villabona, Eskoriatza, Ordizia, Hernani, Beasain eta Donostiari. 26 udalerri aurkeztu ziren deialdira, eta horietatik zortziri onartu diete laguntza. “Eguneroko joan-etorrietarako eragina izatea eta bidegorri sarearekin lotura egitea” izan dira kontuan hartu dituzten bi baldintza, Unai Erroitzenea aldundiko Mugikortasun zuzendariaren hitzetan. “Hurrengo urteetan ere mantendu eta indartzeko arloa da diru laguntza horiena”. Deialdiko oinarrien arabera, 75.000 euroko laguntza jaso dezake gehienez udal batek, edo bestela, aurrekontuaren %60.