Bigarren Errepublika garaian eta 1936ko gerran Bergaran gertatutakoa kontatzeko ikus-entzunezkoa egin du Intxorta 1937 kultur elkarteak: Bergara 1936, gerra eta errepresioa. 25 bergararren ahotsak bildu dituzte lan horretan; gudari ibilitakoak, gerrako umeak, Bergarako lehen ikastolako ikasleak eta fusilatutakoen senideak daude lekuko horien artean. Bergarako Zabalotegi aretoan aurkeztuko dute asteburuan filma. Bihar eta igandean egingo dituzte emanaldiak: 19:00etan, euskaraz, eta 20:00etan, gaztelaniaz. Ikus-entzunezkoa DVD formatuan ere kaleratuko dute. Memoria historikoa berreskuratzeko Intxorta 1937 kultur elkarteak egin duen bosgarren ikus-entzunezkoa da.