Autobus geltokietara joango dira aldundiaren teknikariak, garraio horren erabiltzaileen iritziak zuzenean jasotzeko asmoz. Jadanik egin dituzte batzuk, Usurbilen adibidez, baina gehiago ere egingo dituzte datozen egunetan. Honako hauek baieztatu dituzte oraingoz: Lasarte-Orian, bihar, hilaren 19an; Bergaran, hilaren 21ean; Eskoriatzan eta Andoainen, hilaren 22an; Arrasaten, hilaren 23an eta Tolosan, hilaren 29an. Oro har, eguerdietan egiten dituzte autobus egunak, 12:00etatik 14:30era bitartean, gutxi gorabehera. Arduradunek jakinarazi dutenez, Debagoienan eta Urolan ere egingo dituzte halakoak, baina oraindik ez dituzte egunak zehaztu.