The Joselontxo’s txarangak, Sexteto Vendaval tango taldeak eta Betagarri musika taldeek parte hartuko dute gaur Musika Anitza jaialdian. Gipuzkoako Esklerosi Anizkunaren Elkartearen (ADEMGI) aldeko musika jaialdia da, eta Oscar Terol umoristak gidatuko du. Intxaurrondoko kultur elkartean izango da elkartasunezko jaialdia, 20:30etik aurrera. Sarrerak hamabi eta hamabost euroren truke eskuratu daitezke. Antolatzaileek “jaialdia musikaz gozatzeko eta hausnartzeko elkargunea” izatea nahi dute.