Borobil antzerki taldeak Ali Baba eta 40 lapurrak obra emango du gaur, 18:00etan, Errenteria Hiria kulturgunean. Umeentzako ipuin klasikoan dago oinarrituta antzezlana. Anartz Zuazua aktore eta zuzendariak egin du moldaketa, eta, harekin batera, taularen gainera igoko dira Asier Sota eta Arkaitz Garziandia aktoreak ere. Zuazuak ikuspegi moderno batez landu du Ali Baba Persiako egur biltzaile behartsuari buruzko istorio ezaguna. Antzezlanak ordubete inguru irauten du, eta bost urtetik gorako haurrentzat da. Sarrerak ordubete lehenago jarriko dituzte salgai, Errenteria Hiria kulturgunean bertan, hiru euroan.