Herritarrekin herrira dinamikaren barruan, Martin Garitano ahaldun nagusia Azkoitian egon da bertako udalaren eta herritarren kezka eta iritziak jasotzeko. Urrategi Alberdi alkateak gidatuta, Azkoitiko errealitatea eta herriko arazoak hurbilagotik ezagutu dituzte Gipuzkoako Foru Aldundiko ordezkariek. Herrian abian diren kultura eta ekonomia proiektuen berri izan dute aldundikoek, eta azkoitiarrek euren proposamenak ere helarazi dizkiete.