Gipuzkoako Foru Aldundiak eta Udalbiltza partzuergoak hitzarmen bat sinatu zuten joan den uztailean, Udalbiltzak bultzatutako nazio marka diputazioak ere erabili ahal izateko. Hitzarmen hori jada hasi da lehen fruituak ematen: aldundiak bide seinaleak paratzen hasi da Gipuzkoako errepide nagusietan (N-1, A-15, AP-8 eta AP-1). A-15ekoak jada jarrita daude eta gainerakoak ondorengo egunetan jarriko dira. Irudian, Nafarroako mugatik gertu jarri duten karteletako bat, A-15 autobian.