Dantzan Bilaka proiektuaren harira sortutako bi lan ikusteko aukera izango da gaur Donostian. Batetik, David Guerrak eta Ines Narvaezek Outline sorkuntza eskainiko dute; bestetik, Ziomara Hormaetxek K-Otica lana taularatuko du. Guerra koreografoak eta Narvaez antzezleak “bi pertsonaren arteko orekan oinarritutako arkitektura lan espaziala” aurkeztuko dute; Hormaetxek, berriz, kaosaren teorian oinarritutako pieza bat dakar. Doakoa da sarrera.