Donostia 2016ko kultur hiriburutzari eta haren ondareari “etekina” atera ahal izateko, sinergiak sortu eta proiektu komunak abiatu nahi ditu udalak. Bide horretan, hitzarmena sinatu du ACBArekin, kulturaren, turismoaren eta mugikortasunaren arloko proiektu bateratuak sustatzeko. Besteak beste, Baiona, Miarritze, Angelu, Bidarte eta Bokale biltzen dira talde horretan, eta Donostiarekin lankidetzan ariko dira. Hiriburutzatik aparte, ordea, elkarlanean jarduteko asmoa adierazi dute.