Donostia euskaraz bete nahi dutela irudikatu zuten joan den larunbatean Konstituzio plazan. Euskararen aldeko manifestua irakurri zuten, eta Juan Karlos Izagirre alkateak egunerokoan euskaraz aritzeko deia egin zien herritarrei: “Hizkuntza leku bat da, eta elkarrengana zabaltzen dizkigu ateak”. Izagirreren arabera, Donostian 122.000 lagun baino gehiagok dakite edo ulertzen dute euskara: “122.000 ate dauzkagu zabaltzeko, 122.000 leku ezagutzeko”. Udalak duela urtebete hasi zuen Udalean ere euskaraz kanpaina.