Egun osoko musika jaialdia antolatu dute biharko Donostiako Dabadaba aretoan: hamabost orduz, etengabeko musika, zuzeneko lau talde eta zortzi Dj. 12:00etan hasiko da For Your Love jaia, eta Javier Sun musikari donostiarrak egingo du atarikoa. Iluntze partean kontzertua emango dute Fogbound, Puma Punku eta Peralta taldeek. Gauean, berriz, disko jartzaileen txanda izango da: Hepdaddy O, The John Colby Sect taldea, Monsieur Hitchhicker, Go Gorostiza, Dani Blanco eta MR.Klin ariko dira musika jartzen, besteak beste. Eguneko txartelak hamabi euro balio du.