Oñatiko sortzaileen hitzak hartu, moldatu eta kantu bihurtu dituzte Arantzazu eta Mirari Sagarzazu Sacristan Oñatiko ahizpek. 11 pieza osatu dituzte; Itziar Ugarte Irizarren Frogak poema dauka oinarri horietako batek. Ane Irazabal Martins (ahotsa) eta Aitor Regueiro Plazaola (ahotsa eta gitarra) dira musikariak.

Maite ditut dena berdin ez dela frogatzen duten pertsonak

ni etxe hartan jaio nintzen

hemen lehen ibai bat zegoen

zura, argazkiak, orriak,

azalak, apalategiak

urtero berri den berdea

itsasoa den ate irekia

maite ditut oroitzen direnak

inorenak ez diren bihotz denenak

hemen egon ziren

hemen egongo dira

eta bitartean gaudenak.