Dantza zaparrada, kalejira umoretsuak, abesti aukera zabala, jolas ikusgarriak eta dibertigarriak… Funtsean, berbena eta animazioa oinarrian dituen askotariko dibertsioa taularatzen dute Kiki, Koko eta Moko pailazoek, Parrandan Tutiplen ikuskizunean. Eta hori guztia, publiko osoaren parte hartzea bultzatzen duen gidoi baten bidez. Hasi etxeko txikienekin eta helduenetaraino. Igande honetan, Donostiako Gros auzoko Zipotz jaien egitarauaren eta Antzerkia Kalean zikloaren barruan eskainiko dute emanaldia pailazook. Ordua 18:00etan jarri dute, Groseko Katalunia plazan. Sarrera doakoa izango da.