BERRIAlaguna kanpainaren alde, Lagunekin Kantari emanaldia eskaini zuten, joan den igandean, sei abeslarik, Donostiako Antzoki Zaharrean. Donostia Kantuz taldeak antolatu zuen emanaldia, eta Amaia Zubiria, Erramun Martikorena, Maddi Oihenart, Pantxix Bidart, Amaren Alabak eta Itziar Zamora izan ziren taularen gainean. Bakarka aritu ziren lehenik, eta, ondoren, kantariek eta publikoak elkarrekin abesteko aukera ere izan zuten.