2012an sortu zuten Urretxuko Aniztasun eta Bizikidetza Mahaia. Formakuntza zuen oinarri hasieran, eta, batez ere, Urretxutik kanpokoei harrera egitea zuen helburu. Urteekin, ordea, garatuz eta zabalduz joan da. Harrera Eskola eta Irakurketa Erraza programak edo Aniztasun Jaia, kriket ikastaroa, sukaldaritza saioak eta beste hainbat proiektu sustatzen dituzte orain. Hainbat kolektibok eta erakundek parte hartzen dute.