Ikus-entzunezkoekin gozatzeko aukera emateaz gain, argazki erakusketa bat ere ikusgai dago aurtengo Cimasub Itsaspeko Zinemaren Nazioarteko Zikloan, Lasarte-Oriako Manuel Lekuona kultur etxean. Otsailaren 6an inauguratu zuten erakusketa, eta hilaren 24ra bitartean egongo da zabalik. Lehiaketan parte hartu duten 24 argazkirik onenak aukeratu dituzte. Lasarte-Oriako erakusketaz gain, Donostian Anoetako Kirol Etxean ere ikusgai egongo da beste erakusketa bat, ekainera bitarte. Kasu horretan, iazko lehiaketako argazkirik onenak ikusi ahal izango dira.