Bakarrik bizi diren 65 eta 80 urte bitarteko 176 herritarrekin hitz egin du Azpeitiko Udalak —321 azpeitiar daude guztira—, haien egoeraren berri izateko. Emakumeak dira ikerlanean parte hartu duten herritarren %73,9, eta parte hartzaile gehien-gehienek, %91,5ek, familia dute Azpeitian. Parte hartzaileen erdiek —horietatik gehienak, alargunak—, aitortu dute batzuetan bakarrik sentitu izan direla.