Musika lasaia eta goxoa egiten duen talde sortu berria da Dhuna. Bizipen pertsonalak eta hausnarketak dira abestietako gaiak; akordeoi, piano, gitarra eta perkusio soinuak, berriz, doinuen oinarriak. Irati Badiola zegamarrak, Nerea Iztueta gabiriarrak eta Ane Arrieta segurarrak osatzen dute taldea. Irudian, hirukoteak iragan martxoan Segurako Ardixarra etxean eskaini zuen emanaldia. Gaur, 22:30etik aurrera, Antzuolako gaztetxean ariko dira, eraikin berriaren Urte aurrena ospakizun jaialdian.