Bi sumarioetako auzipetuek Libre dinamika jarri zuten martxan uztailean, eskubide zibil eta politikoen alde egin eta epaiketen aurkako dinamika bultzatzeko. Hainbat profesionalen ekarpenak kontuan hartuta, bost puntuko manifestua osatu zuten, hauexek: “Ez dadila epaiketa politikorik egin; artxiba daitezela eskandaluzko instrukzio bidegabeetan oinarritutako epaiketa guztiak; desager dadila prozedura judizial guztietatik etsaiaren zigor zuzenbidearen aplikazioa; baldintzarik gabe errespeta daitezela aniztasun politikoa eta elkartze, adierapen nahiz askatasun politikorako funtsezko eskubideak; ezar ditzagula elkarbizitza demokratikorako oinarri sendoak”.