Nestor Basterretxea artistak jaso du aurten Gipuzkoako Foru Aldundiaren Urrezko Domina; Euskaldunon Egunkaria-ko eta Egin-eko langileek, berriz, bereizgarriak. Basterretxeak “herriarekiko izandako konpromisoa eta Gipuzkoaren irudi bikaina zabaldu” izana nabarmendu dute; Egunkaria-k “pentsamolde guztietako euskaldunak batzeko izan duen gaitasuna” eta Egin-en aurka eginiko “adierazpen askatasunaren kontrako erasorik bortitzena” salatu dute.