Astelehen gauean zakar ibili zen itsasoa, eta hori nabarmendu zen Gipuzkoan. Astearte goizeko zortziak inguruan izan zen itsasgora, eta, irudian ikus daitekeenez, lau metrotik gorako olatuak iritsi ziren Zarauzko itsas hesiraino. Donostian ere, itsasoko ura kostaldetik gertuko eraikinetara sartu, eta hainbat etxabek urez gainezka egin zuten, eta zenbait kale itxi zituen urak.