Azkoitiko Maxixatzen Euskaldunon Elkarteak Mundua jostorratz begi batean. Argazkiak hitzetan, hitzak argazkitan erakusketa zabaldu du Torre Zuri erakustokian. Iragan astetik daude ikusgai Jon Andoni Martin Pegote argazkilariaren irudi estenopeikoak. Asteburuan soilik irekitzen dute erakusketa, eta igandera bitarte izango da ikusteko aukera. Pegotek berak proposatuta abiatu dute erakusketa, eta argazkiez harago, hamabi sortzaileren testu banarekin uztartu dute.