Beste urte bat, beste alarde bat. Eta, berriz ere, Hondarribiko Kale Nagusia plastiko beltzez estalita aurkitu zuen Jaizkibel konpainiak. Alarde parekidearen aldekoak etsaitzat jotzen zituen pankartetako batek; Jaizkibelek borregismo politikoa egiten duela salatzen zuen beste batek; eta desfile parekidearen “ordutegia aldatzeko” exijitzen zuten batzuek. Apenas entzun zen Jaizkibelen kontrako oihurik, baina hala ere, protestak eta jazarpenak ez zuen etenik izan.