Asteburu honetan, Atlantikoak lotzen dituen herri eta kulturen hiriburu bihurtuko da Errenteria. Atlantikaldia jaialdiak igandera bitarte iraungo du, eta, egitarau zabala osatzeko asmoz, musika eta dantza emanaldiak, erakusketak, bisita gidatuak eta estropadak antolatu dituzte, besteak beste. Gaur, 20:30etik aurrera, De Temps Antan kanadarrak eta The Bonny Men irlandarrak arituko dira Lehendakari Agirre plazan. Bihar, 22:30ean, Celtas Cortosek (irudian) joko du.