Palestina-Oiartzun elkarteak erakusketa bat antolatu du Manuel Lekuona liburutegian, Palestina erresistitzen ari da, Palestina existitzen da izenburupean. Gazako hamar argazkilariren lanak bildu dituzte han. Elkarteko arduradunen esanetan, erakusketaren helburua da hango herritarrek duten egoera ezagutaraztea irudi bidez, “eskubideen eguneroko bortxaketa bizi baitute”. Hilaren 25era arte egongo da zabalik.