Maitasuna, fantasia eta magia nahasten dira William Shakespearen komedia honetan. Atenasen, Teseo eta Hipolitaren ezkontza prestatzen ari da jende guztia; bitartean, ordea, bestelako istorio xelebre eta harrigarriak gertatuko dira hiritik gertu dagoen baso batean. Shakespearen lana Amancay Gaztañagak euskaratu eta antzerkirako egokitu du; antzezten, berriz, Zestoako Interpretazio Eskolako hainbat aktore ariko dira. Sei euro balio du sarrerak aurrez erosita; zortzi euro, egunean.