Udaberrifest jaialdia hartuko du Zarautzek beste urte batez. Hiru talde ariko dira bihar Arizbatalde kiroldegian: Gatibu, Skakeitan eta Rolling Dice. Iaz aurkeztu zuten euren azken diskoa hiru taldeek: Euritan dantzan Gatibu Gernika-Lumoko taldeak —irudian—; Orekariak Skakeitan Donostiako taldeak, eta Rolling Dicek taldearen izen bereko diskoa. 21:00etan irekiko dituzte ateak. Sarrerak 12 eurotan eskura daitezke aldez aurretik erosiz gero —Kutxabanken webgunean edo Txiki Polit, Eguzki eta Itxaslurren—. Egunean bertan 15 euro balioko du sarrerak.