Aiala Zarautz eskubaloi taldeak balentria egin du. Asteburuan 26-24 irabazi zion Logroñoko Sporting Errioxari Oviedoko Pumarin kiroldegian (Espainia), eta, 32 urte geroago, berriz ere itzuliko da Ohorezko Mailara

—1983an egon zen lehenengoz gorengo mailan—. Harmailetan hirurehundik gora herritarren babesa izan zuten jokalariek partidan. Oviedotik bueltan ere, harrera beroa egin zieten Zarautzen; udaletxe aurrean jendea zain zuten, eta propio apaindutako kamioi batean ibilbidea egin zuten neskek.