Gaiztotuta dago giroa Renfeko arduradunen eta langileen artean, baina zuzendaritzak jakinarazi du astea bukatzerako bederatzi makinista berri iritsiko direla Gipuzkoara, azkenaldiko arazoak konpontzeko helburuarekin. Hori bai, “egokitzapen lanak tarteko”, pare bat hilabete beharko dituzte lanean hasteko. Lan eskaintza publikoan —Espainiakoan— notarik onenak lortu zituzten gidariak izango dira.