1944an, 163 biztanle bizi ziren Urtsuaranen, eta, gaur egun, 38 lagun bizi dira bertako baserrietan. Landa eremuko auzoa da, eta herri izaera handia du. Idiazabalgo Udaleko ordezkariak auzotarrekin biltzen dira hilero auzoko beharrei erantzun eta auzoa berpizteko helburuarekin. Ioritz Imaz alkatearen esanetan, auzotarren parte hartzea areagotu nahi dute, “auzoan aktibitate ekonomiko berriak sortzeko helburuarekin, gazteenen ideiak ezagutuz”.