Azkoitiko Ttipi-Ttapa atletismo taldeak V. Lasterketa Solidario Inklusiboa antolatu du biharko. Aurten, esklerosi anizkoitzaren ikerketaren alde egingo dute, eta izen emateetatik lortutako dirua elkarte horrentzat izango da.

Askatuak saskibaloi klubak 50 urte bete ditu aurten, eta askotariko jarduerak antolatu dituzte denboraldi honetarako. Gorabeherak eta zailtasunak izan badituzte ere, «ilusioak eta gogoak» gozatu die bidea.

Asexora-T programak gazteentzako sexu-aholkularitza zerbitzua eskaintzen du, Irunen. Maialen Dorronsoro sexologoa da programaren arduraduna.

Josu Ozaita antropologoak uste du bereizi egin behar direla Gau Beltza eta Halloween, eta, hori aitzakiatzat hartuta, hitzaldi bat eman zuen lehengo astean, Zaldibian.

Orioko kultur etxean izango da emanaldia, arratsaldeko zazpietan. Hiru artista izango dira oholtzan: Toti Martinez de Lezea idazlea eta Gorka Hermosa eta Edurne Zabalo musikariak.

Errekan Gora musika jaialdia egingo dute Eskoriatzan, hamaseigarrenez, gaurtik igandera bitartean, plazan. Zazpi musika talde eta bi dantza talde izango dira oholtzan.