Osasun sektoreko bost boluntario bihotz-biriketako bizkortze tekniketan trebatzeko ikastaroak eskaintzen ari dira Gipuzkoan, larrialdietako lehen laguntzatik urrun dauden herrigune batzuetan; Berastegin izan berri dira, eta Alkizan izango dira astelehenean.
Asteartean estreinatuko dute 'Hauts' dokumentala, Bergaran. Celestino Tolosaren bizitza du ardatz: lanean arnastutako amiantoaren eraginez gaixotu eta hil zen.
Berastegi, Elduain, Berrobi eta Ibarrako alkateak harrituta gelditu dira elurra 700 metrotik behera iragarrita dagoenean diputazioak A-15 autobidea itxiko duelako. Bilera egitekoak dira gaur aldundian.
Errenteriako kiroldegietako langileak borrokan ari dira azaroan. BPXporten eta udalaren arteko egoera desblokea dadila eskatu dute.
Amerika elkartea sortu dute Arrasaten, Debagoienera heltzen diren Latinoamerikako migratzaileen lan baldintzak hobetzeko eta horiei bidea egiten laguntzeko helburuz.
Zaintzaileei kostatu egiten zaie une batez zaintza lana utzi eta beren buruarentzako denbora hartzea, baina Saioa Garmendiak dio funtsezkoa dela hori. Zaintzaileen autozainketarako tailerren sortzailea eta dinamizatzailea da, eta tailerretan, norbere burua zaintzen ikasteko teknikak ematen ditu.
Soraluzeko Arrabal kultur elkarteak hirugarren urtez jarraian antolatu du Blues Hotsak jaialdia. Gaur hasi eta azaroaren 28ra arte izango dira saioak.
Atzotik martxan da erakusketa, Zarautzen, Cuauhtemoc Campos, Mario Cea eta Leire Unzueta argazkilarien obrekin. Ramon Serras argazkilaria omenduko dute aurten; joan den otsailean hil zen.
Goierrik Helmuga Turistiko Adimenduna zigilua lortzeko tramiteak hasi ditu. Orain arte, hiriburuetan bakarrik aplikatu dute eredu hori. Bizpahiru urteko prozesua izango da.
Urtarrilean beteko dira hamar urte Txillardegi hil zenetik. Ia ordukoa da Donostiako Udal Liburutegiari haren izena jartzeko eskaera ere. Idazle talde batek berriro heldu dio proposamenari, eta sinadura bilketa egiten ari dira. "Giro politiko normalizatuago bat" egonik, aurrera egitea espero dute.
