Albisteak

Umearen garapena ardatzean
2017-06-092017-06-08Albisteak, Asteko Gaiak, gipuzkoa, Gizartea

Umearen garapena ardatzean

Eider Goenaga Lizaso

Konfiantzaren Pedagogia deitzen diote batzuek, Pedagogia Aktiboa ere bai, Azpeitian Kimu izena jarri zioten... Izenak izen, Haur Hezkuntzaren eraldaketa pedagogikoa ari dira egiten 60 ikastolatan (Gipuzkoan 26 dira), eta, horretarako, Haur Hezkuntzarako Ikastolen Elkartearen Proiektua dute ardatz. Proiektuak marko bat zehazten du, eta ikastola bakoitzak, bere behar, kezka eta baliabideen arabera, proiektu propio bat landu behar du, eraldaketa gauzatzeko. "Guk garbi daukagu ikastola bakoitzak bere proiektua egin behar duela; elkarteak marko bat jarri du, eta denok norabide berean joan behar dugu, baina bakoitzak marraztu behar du bere bidea", esan du Beñat Azurmendi Ikastolen Elkarteko Haur Hezkuntzako eta Prestakuntzako arduradunak.

Eraikin berrian, pausoz pauso
2017-06-092017-06-08gipuzkoa

Eraikin berrian, pausoz pauso

E. Goenaga Lizaso

Herenegun egin zuten Irurako Ikastolaren Haur Hezkuntzako (HH) eraikin berriaren inaugurazio ofiziala, baina umeek jada hiru hilabete daramatzate eraikin horretan. Bertan irakasle dira Ainhoa Artola eta Izaskun Gaztañaga, eta, ume zein gurasoak bezala, ezin gusturago daude eraikin berriarekin. "Badira pare bat urte irakasleak hasi ginela konfiantzaren pedagogiaren gaia lantzen, Arizmendi ikastolakoen eskutik formazioa jasotzen, beste ikastetxe batzuk bisitatzen eta aldaketa pedagogikoaren beharrari erantzuteko lanean. Ikasturte honetan hasi gara sarrera ordutegi malguarekin, baina umeak hiru eraikinetan banatuta zeuden, eta zaila zen pauso gehiago ematea", azaldu du Artolak.

Horma artean, iraganera jauzi
2017-06-092017-06-08Albisteak, gipuzkoa, Gizartea

Horma artean, iraganera jauzi

Unai Zubeldia

Ez dauka zentzurik erabiltzen ez den azpiegitura bat horrela mantentzeak". Donostiako Udalak horregatik erabaki du Artikutzako Enobieta urtegia urez hustea, eta, ondoren, hormaren erdian zulo handi bat eginda, errekari bere berezko bidea egiten laguntzea. Alfonso Gurpegi Donostiako Udaleko Ingurumen zinegotziak onartu du hasieran urtegia deuseztatzeko proiektu bat zeukatela esku artean, natura erabat lehengoratzeko. "Baina ez zen bideragarria inguru babestu horretan kamioiak eta gainerakoak sartzea".

Exotikoa? Betiko sukaldaritza
2017-06-092017-06-08Albisteak, gipuzkoa, Gizartea

Exotikoa? Betiko sukaldaritza

Jon Miranda

Urte gutxian asko hazi da Txinako ekonomia, eta herritarrei handitu egin zaie munduko gastronomiarekiko interesa Mendebaldeko merkatuetara zabaltzearekin batera. Euskal Herriko sukaldaritza tradizionala erakusteko asmoz joan zen Javi Rivero (Villabona-Amasa, 1991), maiatzean, Shanghaiko Sial Txina 2017 elikadura eta gastronomia azoka entzutetsura.

“Gure jostunei esker ona adierazteko aitzakia da Josiz Eguna”
2017-06-092017-06-08gipuzkoa

“Gure jostunei esker ona adierazteko aitzakia da Josiz Eguna”

M. Luki

Zoriak eta familiak gerturatu zuten Nerea Mendizabal (Zumarraga, 1973) harien mundura. Julita izebak 1943an irekitako mertzeria berriro familiaren eskuetara itzuli, eta haren kargu egiteko aukera izan zuen. Bi aldiz pentsatu gabe hartu zuen negozioaren ardura, eta harien unibertsoan murgildu zen.

Ehuleen hariak, kalera
2017-06-092017-06-08Albisteak, gipuzkoa, Kultura

Ehuleen hariak, kalera

Miriam Luki
Mundu osoan, ekaineko bigarren larunbatean ospatzen da Kalean Ehuntzeko Nazioarteko Eguna. Hamaika nazioarteko egunen bueltan, ez da ezagunena ehuleak nahiz jostunak kalera irteten direna, baina aurten oihartzun handia izango du Goierri aldean.

“Dantzariak Pasaian bertan profesionalizatzea nahi dugu”
2017-06-092017-06-08Albisteak, gipuzkoa, Kultura

“Dantzariak Pasaian bertan profesionalizatzea nahi dugu”

Imanol Saiz
Azken 25 urteotan mundua hanka puntetan zeharkatu ostean, jaioterrira bueltatu da Iker Murillo Badiola dantzaria (Pasaia, 1978). Orain hiru urte, Uniqart Dance Company sortu zuen nazioarteko beste bost dantzarirekin batera. Irailetik aurrera, berriz, dantza eskola profesional bat irekiko du Pasai Antxon, balleta maite duten gazteei profesionalizatzen laguntzeko.

Mugarik gabeko irudimena
2017-06-092017-06-08Albisteak, gipuzkoa, Kultura

Mugarik gabeko irudimena

Unai Zubeldia

Mugarik ez duen adierazpen artistiko-literarioa da komikia, produkzio aldetik oso merkea, eta baliatu egin behar da hori. Gozamena da, norberaren irudimena delako muga bakarra". Dani Fano komikilariaren (Donostia, 1968) hausnarketa horri tiraka, gaur arratsalderako gogotik gozatzeko moduko proposamena prestatu dute puntako sei komikilarik: Dzirt-dzart marrazki saio berezia. "Komikilarien artean beti egon izan da ohitura bat-bateko saioak egiteko". Eta lumarekin bertsotan ariko dira gaur Donostian, Komikigunean, 18:00etatik 20:00etara. Ez da sarrerarik ordaindu beharko.

Dena ez baita futbola
2017-06-092017-06-08Albisteak, gipuzkoa, Kirola

Dena ez baita futbola

Unai Zubeldia

Belar hockeya, beste hainbat kirol —herri kirolei indarra emanda— eta nutrizioa. Hiru osagai horiek zaku berean sartu, ondo nahastu, eta ekainaren 26tik uztailaren 7ra Donostiako Ekintza ikastolaren instalazioetan egingo duten campusa da emaitza. Sportmadness enpresaren eskutik, 9 eta 14 urte arteko neska-mutikoek "aukera paregabea" izango dute hainbat kirol jarduerarekin eta elikadura kontuekin gozatzeko.