Joseba Aristi zumaiarra Ondarroarekin, eta Aintzane Urbieta zumaiarra 'Telmo Deun' etxeko traineruarekin, gustura gelditu ziren igandean Kontxako Banderako lehen jardunaldiarekin. Aristi lehen aldiz ari da Kontxan; Urbieta, berriz, aurten trainerura itzulita, pozik dabil gazteenekin.

Abian da hondar gaineko Tolobolei Tolosako XIII. Boleibol Txapelketa; gaur izango da sailkapen faseko azken jardunaldia, eta bihar jokatuko dituzte kanporaketak eta finala.

Aces Europa elkarteak izendatuta, Kirolaren Europako Hiria da Eibar aurten, beste hamabost hirirekin batera, 25.000 biztanletik 500.000ra artekoen mailan. Azaroan kongresu bat egingo dutela azaldu du Jon Iraola Eibarko alkateak.